ඇමෙරිකා එක්සත් ජනපදය තුළ ජීවත් වෙන ගොවීන් ගැන අවධානයක් යොමු කරන්නයි ජනපති ඩොන්ලඩ් ට්‍රම්ප් ප්‍රකාශයක් කරමින් ඉල්ලා ඇත. ඔහු පවසා තිබුණේ විශේෂයෙන්ම පවතින තත්ත්වය තුළ අර්බුදයට ලක්ව සිටින කුඩා පරිමාණයේ ගොවිතැන් කරන ගොවීන් ගැන විශේෂ අවධානයක් යොමු කරන ලෙසයි.
ඒ සඳහා තමන් අවශ්‍ය කරන කටයුතු පිළිබඳව එක්සත් ජනපදයේ කෘෂිකර්ම කටයුතු ලේකම්වරයා වන සොනී පර්ඩියූව දැනුවත් කර ඇති බවද ජනපති ට්‍රම්ප් පවසා තිබුණා. එමෙන්ම කෘෂිකර්මය සඳහා යොදවා ඇති සියලුම අරමුදල් සහ මුල්‍ය ප්‍රතිපාදන ඒ සඳහා යොදා ගනු ඇතිබවට තමන් විශ්වාස කරන බව ට්‍රම්ප් ජනපතිවරයා පවසා තිබුණා.
රටට අවශ්‍ය කරන ආහාර ආරක්ෂිතවත්, ස්ථාවර ලෙසත්, ශක්තිමත් ලෙසත් ලැබෙන ආකාරයට බලධාරීන් කටයුතු කරන ඇති බවටද විශ්වාස කරන බව ඔහු වැඩිදුරටත් කියා තිබුණා.
